பாரம்பரியத்தின் படி
ஆளுநர் இதைக் கேட்டு வியப்பில் உறைந்து நின்றார்; நகரமெல்லாம் அந்திரேயா வை விடுவிக்க வேண்டும் என பெரும் கோஷம் எழுப்பியது . அதனால் அவர் சிலுவையின் அருகே சென்று அந்திரேயாவை இறக்க முயன்றார். ஆனால் அந்திரேயா ஒரு பெரும் சத்தத்துடன் கூறினார்:
“கர்த்தாவே, உமது சிலுவையில் கட்டப்பட்டஎன்னை மீண்டும் விடுவிக்க வேண்டாம்;உம்மோடு இருக்கிற என்னை அவமதிக்கக்கூடிய அசிங்கமான பிசாசிடம் ஒப்படைக்க வேண்டாம்; இயேசு கிறிஸ்துவே, உமது கிருபையின் மேல் தொங்குகிற என்னை உமது எதிரியால் விடுவிக்க வேண்டாம்; பிதாவே, உமது மகிமையை அறிந்த என்னை மீண்டும் தாழ்த்த வேண்டாம்.
இயேசு கிறிஸ்துவே —நான் உம்மைப் பார்த்தேன், உம்மை பற்றிக்கொண்டேன், உம்மை நேசிக்கிறேன், உம்முள் இருக்கிறேன், என்றும் இருப்பேன்—என்னை உமது நித்திய வாசஸ்தலங்களில் சமாதானமாக ஏற்றுக்கொள்ளும் .அதற்க்கு பின் என்னுடன் தொடர்புடைய பலர் உம்மிடம் வருவார்கள்; அவர்கள் உமது மகிமையில் பிரவேசிப்பார்கள் .” இவ்வாறு கூறி, மேலும் கர்த்தரை மகிமைப்படுத்தி, அவர் தம் ஆவியை ஒப்படைத்தார்.
Martyr’s Mirrorன் படி
அகாயா நாட்டின் பட்டிராஸ் நகரம்
அங்கே அந்திரேயா பலரையும் கிறிஸ்துவ விசுவாசத்திற்கு மாற்றினார். அவர்களில் முக்கியமானவர் ஆளுநர் ஏகேயாஸ் என்பவரின் மனைவி மாக்ஸிமில்லியா. இது ஆளுநருக்கு மிகுந்த கோபத்தை ஏற்படுத்தியது. அவர் ஆண்ட்ரூவுக்கு சிலுவையில் மரணம் என்று தண்டனை அறிவித்தார்.
அந்திரேயாவின் பதில்
“நான் சிலுவையின் மரணத்தைப் பயந்திருந்தால், கிறிஸ்துவின் சிலுவையின் மகிமையைப் பிரசங்கித்திருக்க மாட்டேன்.”
அவரை பிடித்து சிலுவைக்கு அழைத்துச் செல்லும்போது, அவர் மகிழ்ச்சியுடன் சென்றார். சிலுவையை நோக்கி அவர் கூறினார்:
“அன்பான சிலுவையே! உன்னை நான் மிகவும் விரும்பினேன். இன்று உன்னைப் பார்க்கும் போது மகிழ்ச்சியில் இருக்கிறேன். என் மனசாட்சி அமைதியாகவும், என் உள்ளம் மகிழ்ச்சியாகவும் இருக்கிறது. என் ஆண்டவர் சிலுவையில் தொங்கியபடியே, அவருடைய சீடனாகிய நான் சிலுவையில் தொங்க விரும்புகிறேன்.”
மூன்று நாட்கள் சிலுவையில்
அவர் மூன்று நாட்கள் சிலுவையில் தொங்கினார். ஆனால் அவர் மௌனமாக இருக்கவில்லை. அவர் பேச முடிந்தவரை, அருகில் இருந்தவர்களுக்கு உண்மையின் வழியை உபதேசித்தார்:
“என் ஆண்டவர் இயேசு கிறிஸ்துவுக்கு நன்றி. அவர் ஒருவேளை என்னைத் தம்முடைய தூதராகப் பயன்படுத்தி இருக்கலாம் . இப்போது நல்ல சாட்சியத்தின் மூலம் நித்திய கிருபையையும் இரக்கத்தையும் பெற நான் இந்த உடலை வழங்குகிறேன். நீங்கள் பெற்ற வார்த்தையிலும் உபதேசத்திலும் நிலைத்திருங்கள். ஒருவருக்கொருவர் உபதேசியுங்கள். நீங்கள் தேவனுடன் நித்தியமாக வாழ்வீர்கள்.”
மக்கள் வேண்டுகோள்
கிறிஸ்தவர்கள் மற்றும் பாவமில்லாத மக்கள் அந்திரேயாவை சிலுவையிலிருந்து இறக்குமாறு ஆளுநரிடம் வேண்டினர். (அவர் கிறிஸ்துவைப் போல ஆணிகளால் சிலுவையில் அறையப்படவில்லை; கைகள் கட்டப்பட்டு இருந்தார் .)
அந்திரேயாவின் இறுதி ஜெபம்
“ஓ ஆண்டவரே இயேசு கிறிஸ்துவே! உமது நாமத்திற்காக இந்த மரத்தில் தொங்கும் உமது ஊழியக்காரன் மீண்டும் மனிதர்களிடையே வாழ அனுமதிக்வேண்டாம் . என்னை ஏற்கும். ஓ என் ஆண்டவரே, என் தேவனே! நான் உம்மை அறிந்தேன், உம்மை நேசித்தேன், உம்மை பற்றிக்கொண்டேன், உம்மை காண விரும்புகிறேன். உம்மில் நான் என்னவோ அதுவாக இருக்கிறேன்.”🕯️
இறுதி
இந்த வார்த்தைகளைச் சொன்னவுடன், தூய அப்போஸ்தலர் அந்திரேயா தனது ஆவியை பரலோக பிதாவின் கைகளில் ஒப்படைத்தார்.
