1 . பிள்ளைக்காக ஆபிரகாம் செய்த ஜெபம் – விண்ணப்பம்
ஆதி 15: 2 அதற்கு ஆபிராம்: கர்த்தராகிய ஆண்டவரே, அடியேனுக்கு என்ன தருவீர்? நான் பிள்ளையில்லாமல் இருக்கிறேனே; தமஸ்கு ஊரானாகிய இந்த எலியேசர் என் வீட்டு விசாரணைக்கர்த்தனாய் இருக்கிறானே என்றான்.
3 பின்னும் ஆபிராம்: தேவரீர் எனக்குப் புத்திரசந்தானம் அருளவில்லை; இதோ என் வீட்டிலே பிறந்த பிள்ளை எனக்குச் சுதந்தரவாளியாய் இருக்கிறான் என்றான்.
4 அப்பொழுது கர்த்தருடைய வார்த்தை அவனுக்கு உண்டாகி: இவன் உனக்குச் சுதந்தரவாளியல்ல, உன் கர்ப்பப்பிறப்பாயிருப்பவனே உனக்குச் சுதந்தரவாளியாவான் என்று சொல்லி,
5 அவர் அவனை வெளியே அழைத்து: நீ வானத்தை அண்ணாந்துபார், நட்சத்திரங்களை எண்ண உன்னாலே கூடுமானால், அவைகளை எண்ணு என்று சொல்லி; பின்பு அவனை நோக்கி: உன் சந்ததி இவ்வண்ணமாய் இருக்கும் என்றார்.
6 அவன் கர்த்தரை விசுவாசித்தான், அதை அவர் அவனுக்கு நீதியாக எண்ணினார்.
a . என்ன தருவீர் ?
ஆபிரகாமை தேவன் அழைக்கும் போது, 7 வாக்குத்ததங்கள் கொடுக்கப்பட்டன.
- நான் உன்னைப் பெரிய ஜாதியாக்கி,
- உன்னை ஆசீர்வதித்து,
- உன் பேரைப் பெருமைப்படுத்துவேன்;
- நீ ஆசீர்வாதமாய் இருப்பாய்.
- உன்னை ஆசீர்வதிக்கிறவர்களை ஆசீர்வதிப்பேன்,
- உன்னைச் சபிக்கிறவனைச் சபிப்பேன்;
- பூமியிலுள்ள வம்சங்களெல்லாம் உனக்குள் ஆசீர்வதிக்கப்படும் என்றார்.
இதில் முதலாவது மற்றும் கடைசி வாக்குத்தத்தை தவிர மீதி எல்லாம் அவனுடைய வாழ்க்கையில் நிறைவேறி இருந்தது, அவன் பூமிக்குரிய ஆசீர்வாதங்களை பெற்றிருந்த போதிலும், பிள்ளை இல்லையே என்கிற குறை அவன் மனதில் இருந்து கொண்டே இருந்தது. ஆகவே தேவன் அவனுக்கு தரிசனமான போது அவன் தன்னுடைய வாழ்வில் இருந்த குறையை ஆண்டவர் இடத்தில் விண்ணப்பமாக கூறினான்.
b . விசுவாசித்தான், அதை அவர் அவனுக்கு நீதியாக எண்ணினார்.
அன்றைய காலகட்டத்தில் தேவனைப் பற்றிய வழிபாடு அனேகருக்கு கிடையாது, விக்கிரக வழிபாடு நிறைந்த அந்த காலகட்டத்தில் தன்னுடைய 85 ஆவது வயதில் தேவன் சொன்னதை சந்தேகப்படாமல் அவன் விசுவாசித்தான் அதை தேவன் அவனுக்கு நீதியாக எண்ணினார்.
பின் நாட்களில் அவர் விசுவாசிகளின் தகப்பன் என அழைக்கப்பட்டார். மேலும் அவர் விசுவாசத்தில் வல்லவர் என்றும் அழைக்கப்பட்டார்
C . பதில் கிடைத்த ஜெபம்
ஆதி 21: 1 கர்த்தர் தாம் சொல்லியிருந்தபடி சாராள்பேரில் கடாட்சமானார்; கர்த்தர் தாம் உரைத்தபடியே சாராளுக்குச் செய்தருளினார்.
2 ஆபிரகாம் முதிர்வயதாயிருக்கையில், சாராள் கர்ப்பவதியாகி, தேவன் குறித்திருந்த காலத்திலே அவனுக்கு ஒரு குமாரனைப் பெற்றாள்.
3 அப்பொழுது ஆபிரகாம் தனக்குச் சாராள் பெற்ற குமாரனுக்கு ஈசாக்கு என்று பேரிட்டான்.
2 . இஸ்மவேலுக்காக பண்ணின ஜெபம் – விண்ணப்பம்
ஆதி 17: 16 நான் அவளை ஆசீர்வதித்து, அவளாலே உனக்கு ஒரு குமாரனையும் தருவேன்; அவள் ஜாதிகளுக்குத் தாயாகவும், அவளாலே ஜாதிகளின் ராஜாக்கள் உண்டாகவும், அவளை ஆசீர்வதிப்பேன் என்றார்.
17 அப்பொழுது ஆபிரகாம் முகங்குப்புற விழுந்து நகைத்து: நூறுவயதானவனுக்குப் பிள்ளை பிறக்குமோ? தொண்ணூறு வயதான சாராள் பிள்ளை பெறுவாளோ? என்று தன் இருதயத்திலே சொல்லிக்கொண்டு,
18 இஸ்மவேல் உமக்கு முன்பாகப் பிழைப்பானாக! என்று ஆபிரகாம் தேவனிடத்தில் விண்ணப்பம்பண்ணினான்.
19 அப்பொழுது தேவன்: உன் மனைவியாகிய சாராள் நிச்சயமாய் உனக்கு ஒரு குமாரனைப் பெறுவாள், அவனுக்கு ஈசாக்கு என்று பேரிடுவாயாக; என் உடன்படிக்கையை அவனுக்கும் அவனுக்குப் பின்வரும் அவன் சந்ததிக்கும் நித்திய உடன்படிக்கையாக ஸ்தாபிப்பேன்.
20 இஸ்மவேலுக்காகவும் நீ செய்த விண்ணப்பத்தைக் கேட்டேன்; நான் அவனை ஆசீர்வதித்து, அவனை மிகவும் அதிகமாகப் பலுகவும் பெருகவும் பண்ணுவேன்; அவன் பன்னிரண்டு பிரபுக்களைப் பெறுவான்; அவனைப் பெரிய ஜாதியாக்குவேன்.
a . முகங்குப்புற விழுந்து நகைத்து
அவன் நகைத்ததற்கான காரணங்கள்.
i) அவனுடைய வயதின் முதிர்ச்சி
ஆபிரகாமை தேவன் தன்னுடைய 75 ஆவது வயதில் அழைத்தார், ஆபிராமுடைய 85 ஆவது வயதில் தேவன் அவனுக்கு ஒரு குமாரனை கொடுப்பதாக வாக்கு பண்ணினார் வாக்கு பண்ணின நேரத்தில் ஆபிரகாம் அதை விசுவாசித்தான், அவனுடைய சரீரமும் சாராவின் கர்ப்பமும் இன்னும் பெலனுள்ள தாகத்தான் அந்த காலத்தில் காணப்பட்டது. ஆனால் இப்பொழுது அவனுக்கு 99 வயது அவர்கள் பிள்ளை பெறுவதற்கு வேண்டிய எல்லா தகுதிகளையும் இழந்து காணப்பட்டனர்.
ii) காலதாமதம்
25 வருடங்கள் சென்று விட்டது, தேவன் வாக்கு பண்ணின நாள் முதல் ஒவ்வொரு நாளும் ஆபிரகாம் ஆர்வமாய் காத்திருந்திருப்பான் ஆனால் பல வருடங்களாக அவனுடைய வாழ்வில் வாக்குத்தத்தம் நிறைவேறாததால் அவன் சோர்ந்து போய் இருக்கலாம்.
iii) அவிசுவாசம்
ஆபிரகாம் பல இடங்களில் விசுவாச குறைவோடு காணப்பட்டதை நாம் பார்க்க முடியும்.
b . ஜெபம் கேட்கப்பட வில்லை
தேவ சித்தத்துக்கு மாறாக இருந்ததுனால் அந்த ஜெபம் கேட்கப்படவில்லை. தேவன் நிச்சயமாக சாரா ஒரு பிள்ளையை பெற்றெடுப்பாள் என்று வாக்கு பண்ணுகிறார்.
c . விண்ணப்பத்தைக் கேட்டேன்
தகப்பனாகிய ஆபிரகாம் தன்னுடைய குமாரனாகிய இஸ்மவேலுக்காக பண்ணின ஜெபத்தை ஆண்டவர் கேட்டு இஸ்மாவேலை ஆசிர்வதித்தார்.
3 . ஆபிரகாம் சோதோமுக்காக பண்ணின ஜெபம் – பரிந்து பேசுதல்
ஆதி 18: 20 பின்பு கர்த்தர் சோதோம் கொமோராவின் கூக்குரல் பெரிதாயிருப்பதினாலும், அவைகளின் பாவம் மிகவும் கொடிதாயிருப்பதினாலும்,
21 நான் இறங்கிப்போய், என்னிடத்தில் வந்து எட்டின அதின் கூக்குரலின்படியே அவர்கள் செய்திருக்கிறார்களோ இல்லையோ என்று பார்த்து அறிவேன் என்றார்.
22 அப்பொழுது அந்தப் புருஷர் அவ்விடம் விட்டுச் சோதோமை நோக்கிப் போனார்கள்; ஆபிரகாமோ பின்னும் கர்த்தருக்கு முன்பாக நின்றுகொண்டிருந்தான்.
23 அப்பொழுது ஆபிரகாம் சமீபமாய்ச் சேர்ந்து: துன்மார்க்கனோடே நீதிமானையும் அழிப்பீரோ?
24 பட்டணத்துக்குள்ளே ஒருவேளை ஐம்பது நீதிமான்கள் இருப்பார்கள், அதற்குள் இருக்கும் அந்த ஐம்பது நீதிமான்கள் நிமித்தம் இரட்சியாமல் அந்த ஸ்தலத்தை அழிப்பீரோ?
25 துன்மார்க்கனோடே நீதிமானையும் சங்கரிப்பது உமக்குத் தூரமாயிருப்பதாக; நீதிமானையும் துன்மார்க்கனையும் சமமாய் நடப்பிப்பது உமக்குத் தூரமாயிருப்பதாக; சர்வலோக நியாயாதிபதி நீதிசெய்யாதிருப்பாரோ என்றான்.
26 அதற்குக் கர்த்தர்: நான் சோதோமில் ஐம்பது நீதிமான்களைக் கண்டால், அவர்கள் நிமித்தம் அந்த ஸ்தலமுழுதையும் இரட்சிப்பேன் என்றார்.
27 அப்பொழுது ஆபிரகாம் பிரதியுத்தரமாக: இதோ, தூளும் சாம்பலுமாயிருக்கிற அடியேன் ஆண்டவரோடே பேசத்துணிந்தேன்.
28 ஒருவேளை ஐம்பது நீதிமான்களுக்கு ஐந்துபேர் குறைந்திருப்பார்கள்; அந்த ஐந்துபேர்நிமித்தம் பட்டணமுழுதையும் அழிப்பீரோ என்றான். அதற்கு அவர்: நான் நாற்பத்தைந்து நீதிமான்களை அங்கே கண்டால், அதை அழிப்பதில்லை என்றார்.
29 அவன் பின்னும் அவரோடே பேசி: நாற்பது நீதிமான்கள் அங்கே காணப்பட்டாலோ என்றான். அதற்கு அவர்: நாற்பது நீதிமான்கள்நிமித்தம் அதை அழிப்பதில்லை என்றார்.
30 அப்பொழுது அவன்: நான் இன்னும் பேசுகிறேன், ஆண்டவருக்குக் கோபம் வராமலிருப்பதாக; முப்பது நீதிமான்கள் அங்கே காணப்பட்டாலோ என்றான். அதற்கு அவர்: நான் முப்பது நீதிமான்களை அங்கே கண்டால், அதை அழிப்பதில்லை என்றார்.
31 அப்பொழுது அவன்: இதோ, ஆண்டவரோடே பேசத்துணிந்தேன்; இருபது நீதிமான்கள் அங்கே காணப்பட்டாலோ என்றான். அதற்கு அவர்: இருபது நீதிமான்கள்நிமித்தம் அதை அழிப்பதில்லை என்றார்.
32 அப்பொழுது அவன்: ஆண்டவருக்குக் கோபம் வராதிருப்பதாக; நான் இன்னும் இந்த ஒருவிசைமாத்திரம் பேசுகிறேன்; பத்து நீதிமான்கள் அங்கே காணப்பட்டாலோ என்றான். அதற்கு அவர்: பத்து நீதிமான்கள்நிமித்தம் அதை அழிப்பதில்லை என்றார்.
33 கர்த்தர் ஆபிரகாமோடே பேசிமுடிந்தபின்பு போய்விட்டார்; ஆபிரகாமும் தன்னுடைய இடத்துக்குத் திரும்பினான்.
a . பார்த்து அறிவேன்
இந்த இடத்தில் தேவன் பரலோகத்தில் இருந்து பூமிக்கு இறங்கி வந்து மனிதனைப் போல புலனாய்வு செய்கிறதை காண முடிகிறது. மேலும் தேவன் பாவிகளை நியாயம் தீர்க்கிறவர் என்பதை அறிந்து கொள்ள முடிகிறது.
b . கர்த்தருக்கு முன்பாக நின்றுகொண்டிருந்தான்.
அவன் தேவனுக்கு முன்பாக நிற்க காரணங்கள்
- அவன் சகோதரன் மகன் லோத்து அந்த பட்டணத்துக்குள் காணப்பட்டதால்
- நீதிமான்களும் துன்மார்களோடு சேர்ந்து அழிந்து விடக்கூடாது என்பதால்.
c . இரட்சிப்பேன்
தேவன் இரட்சிக்கவே விரும்புகிறார், எந்த மனிதனும் கெட்டுப் போவது தேவனுக்கு சித்தம் அல்ல.
2 பேதுரு 3:9
தாமதிக்கிறார் என்று சிலர் எண்ணுகிறபடி, கர்த்தர் தமது வாக்குத்தத்தத்தைக்குறித்துத் தாமதமாயிராமல்; ஒருவரும் கெட்டுப்போகாமல் எல்லாரும் மனந்திரும்பவேண்டுமென்று விரும்பி, நம்மேல் நீடிய பொறுமையுள்ளவராயிருக்கிறார்.
d. பேசத்துணிந்தேன்
ஆபிரகாம் மீண்டும் மீண்டும் தேவனோடு பேசுகிறதை பார்க்க முடிகிறது . இது அவனுடைய உறுதி தன்மையை பார்க்க முடிகிறது.
எசேக்கியேல் 22:30
நான் தேசத்தை அழிக்காதபடிக்குத் திறப்பிலே நிற்கவும் சுவரை அடைக்கவுந்தக்கதாக ஒரு மனுஷனைத் தேடினேன், ஒருவனையும் காணேன்.
e . ஜெபத்திற்கு பதில்
அந்த பட்டணத்தில் பத்து நீதிமான்கள் கூட காணப்படாததால் பட்டணம் அளிக்கப்பட்டது ஆனால் பட்டணத்துக்குள் காணப்பட்ட நீதிமானாகிய லோத்தும் அவனுடைய குடும்பமும் மீட்கப்பட்டனர்.
